Handymoo                                            von     OHB

 

Er sitzt mit volle Pampers auf'm Schpuiplatz und plärrt,

so lang bis des d' Muadda - am Laptop stört.

Sie holt aus der Sandgruam sich den kloana Moo

und möcht' mit ihm und seiner Hardware davoo:

"Dei Eimerl, dei Schäuferl, dei Rech'n, dei Form,

 ja saxndie, hast wieda 's Handy verlorn!

Des ruaf' ma jetzt oo, dann macht's didl-di-duh,

und dann find' ma 's im Sand drin scho wieda im Nu."

Ja hast Du koa Handy - na dann guade Nacht,

Denn für Leut' ohne Handy - is de Welt  nimma g'macht!

 

Herr "Wichtig", der schiaßt auf seim Kickboard dahin.

Er hat in da Bank an pressantn Termin.

Links tragt er sein Schlepptop, das Tempo macht Spaß, 

und zur Schussfahrt am Steig - da gibt er voll Gas.

Noch beherrscht er die Lage, doch jetz kommt der Clou.

Ma hört aus'm Sakko a Didl-di-duh!
Sei Hand zuckt zum Handy. Schon möcht' er was sag'n,

da hat's'n zuerscht gschleudet und dann überschlag´n.
Ja hast du koa Handy ...    

 

Es hockt handyringend in der Kirch' drin der Moo, und ganz leis´ quatscht er los, weil er ned warten koo.
Da kriagt er auf oamoi an heilsamen Schreck, von ganz drob'n hört er 's grollen: "Zefix, Handy weg!"

Ja hast Du koa Handy ...  

 

Sei Freundin de bieagt sich im Bett drin und stöhnt, grad da hört er wieda wia´s Handy ertönt.
Da muaß er glei hin, macht an Termin für näxt´s Jahr, wie er zruckkimmt sagt de Freundin: „ Mit uns is´s jetz gar!“
Ja hast Du koa Handy ...     

 

Und auch auf da Autobahn zoagt er sich wendig. Er red´ bei zwoahundert noch ganz locker beid-handyg.
Ned lang danach tragt ma‘n zur ewig´n Ruh.  Da hört ma vom Sarg außa: „Didl-di-duh!“
Ja hast Du koa Handy ...

  

Text nach einer Parodie von Leo Fürstätter zur Melodie "Wild Rover", auch bekannt als "An der Nordseeküste".

zum Verzeichnis Handylieder        zur Hauptseite www.ohb-lieder.de